ما هى الشبكات وما هى أنواعها ولية بنستخدمها فى حياتنا

| webPrey هنتعرف مع بعض على الشبكات وما هى فوائدها ولية بنستخدمها فى حياتنا وما هى أنواعها وسوف نتعرف ايضاً على بعض المصطلحات المهمة فى الشبكات.

محتويات المقال

•  المقدمة
•  تعريف الشبكة .
•  ما هى أهمية الشبكة .
•  أنواع الشبكات .
•  الخلاصة ( هات من الأخر) .

الشبكات مهمة جداً فى حياتنا ولا يمكن الإستغناء عنها لأن فى وجود الشبكات يمكن إتصال مجموعة من أجهزة الكمبيوتر مع بعضم البعض وإرسال وإستقبال المعلومات بينم سواء كانت هذة الأجهزة داخل مبنى واحد أو مكتب واحد أو كانت فى أماكن مختلفة تفصل بينهم مسافات كبيرة جداً وغير محدودة .

ما هى الشبكات

الشبكة : هى ربط جهازين كمبيوتر أو أكثر مع بعضهم البعض من أجل تبادل المعلومات .

يعنى أى جهازين كمبيوتر أو أكثر متصلين ببعض سواء كانوا متصلين عن طريق wifi أو عن طريق الكابلات أو أسلاك التليفون هذة تسمى شبكة طالما قادرين يوصلوا لبعض ويرسلوا ويستقبلوا بيانات بينهم .

ما أهمية الشبكة

1 - مشاركة البيانات والملفات

يعنى مثلاً لو إنتة شغال فى شركة وفية فى الشركة أكثر من جهاز كمبيوتر وعايز إنتة وزملائك فى الشغل تتشاركوا الملفات بينكم هتعملوا share folder هتشيروا فولدر بينكم وتضعوا عية الملفات وكا واحد محتاج ملف معين يدخل على ال share ويأخذة.

لو إنتة فى شركة وليها مكتب فى الدور العاشر ومكتب فى الدور الأرضى ومحتاج ملف من المكتب الموجود فى الدور العاشرهتعمل أى؟

منطقى من غير الشبكات هتأخذ فلاشة أو إسطوانة وتطلع لغاية الدور العاشر وتجيب الملف وتنزل وتخيل حظك الجميل تنزل تلاقى الملف مش غال أو فية مشكلة هتضطر تطلع تانى وقصة كبيرة لكن فى وجود الشبكات كلوا بقى سهل وبسيط كل اللى محتاجة هتدخل على الشير وتحمل الملف اللى إنتة عايزة.

2 - مشاركة المصادر

طبعاً كلنا عارفين إن الشركة بيكون فيها أجهزة كمبيوتر كتير فلو عايزين نطبع ملفات معينة فهل لازم كل جهاز يكون موصل على طابعة لوحدة ؟
طبعاً لا كدة هنحتاج نشترى طابعة لكل جهاز كمبيوتر لكن فى وجود الشبكات تقدر توصل الطابعة على الشير بحيث كل الأجهزة تقدر تشوفها وتطبع عليها .
ومثال أخر على مشاركة المصادر هة الإنترنت , لو عايزين نوصل إنترنت ونفتح من أكثر من جهاز فها منطقى لو عندنا مثلا 3 أجهزة فى البيت أجيب 3 راوترات ولا أجيب راوتر واحد ونشير البيانات وكل الأجهزة تقدر تفتح نت من على نفس الراوتر ؟
هتجيب راوتر واحد أكيد وهتوصل الأجهزة إما عن طريق كابلات أو عن طريق wifi .

أنواع الشبكات

1 - local area network ( LAN )

 هى شبكة تتكون من مجموعة من الأجهزة موجودين مع بعض فى مبنى واحد أو مساحة صغيرة كحد أقصى 2 كم .
 ويكون توصيل الأجهزة يكون عن طريق الكابلات أو عن طريق wifi .

2 - wide area network ( WAN )

هى شبكة تتكون من مجموعة من الأجهزة موجودين فى مساحة كبيرة جداً قد تكون لامحدودة .
لو كان هناك مكتب فى القاهرة نريد ربطة بمكتب أخر فى مدينة نصر ومكتب أخر فى مدينتى سوف نستخدم ال wan لربطهم .
يوجد نوعين أيضا من الشبكات

1 - work Group

عبارة عن مجموعة من الأجهزة متصلين مع بعض وبيرسلوا ويستقبلوا البيانات من بعض .

2 - client/server network

عبارة عن server أو خادم مخزن علية كل بيانات الشركة وكل موظف يقدر يشوف البيانات دى ويتعامل معاها عن طريق جهازة الشخصى من خلال برامج معينة مخصصة للتعامل مع ال server .

الخلاصة ( هات من الأخر)

الخلاصة إن الشبكة من خلالها يمكن توصيل أكثر من جهاز كمبيوتر ببعض عن طريق كابلات أو عن طريق wifi ويمكن لهذة الأجهزة تبادل البيانت بينها.
أنواع الشبكات هى : LAN , WAN .
ويوجد مصطلحين مهمين لازم تعرفهم أو ممكن معظم الناس تكون عارفاهم وهما ال downloading و ال uploading .
ال downloading هو تحميل الملفات من الشبكة أو من الإنترنت إلى جهاز الكبيوتر الخاص بك .
ال uploading هو عكس ال downloading هى تحميل الملفات جهاز الكبيوتر الخاص بك إلى الشبكة أو إلى الإنترنت.
هل شبكة ال LAN وال WAN لهم علاقة بالإنترنت ؟
لا ليس لهم اى علاقة بالإنترنت .
وكدة نكون إنتهينا من موضوعنا اليوم أتمنى لو الموضوع أعجبك تدعمنا بلايك ومتابعة والسلام عليكم ورحمة الله وبركاتة .