كل ما تحتاجة للبدء فى مسار تعلم برمجة الويب مع توضيح بعض أساسيات تطوير الويب المهمة

| webPrey ال web development أو تطوير الويب هو واحد من أهم وأفضل مجالات البرمجة الحالية والذى يتوقع لة مستقبل كبير خاصة مع تعدد الأعمال الذى يمكن القيام بها , وهناك أكثر من مسار تعليمى يمكنك تعلمة مثل ال front-end و ال back-end

 

محتويات المقال

• المقدمة
• ما هو مصمم الويب .
• ما هو مطور الويب .
• هل هناك فرق بين مصمم الويب ومطور الويب .
• ماهو ال front-end developer .
• ما هو ال back-end developer .
• الخلاصة ( هات من الأخر) .
• نصائح مهمة لازم تعرفها للإحتراف .

قبل البداية فى أى مجال لازم أول حاجة تلقى نظرة عامة على المجال دة وتعرف بيتكلم عن أى وتعرف المسار الصحيح للمجال دة قبل ما تبدأ فية , ولازم تسأل نفسك سؤال مهم جدأ قبل البداية وهو why ? لية , وكنا إتكلمنا فى مقالات سابقة تعريف الويب والفرق بينة وبين الإنترنت وكمان كنا إتكلمنا عن الإنترنت وتاريخة وهنكمل هنا ونتعرف على النقاط المذكورة فى الأعلى بالتفصيل .

بعض الأساسيات يجب عليك معرفتها قبل الدخول إلى مجال الويب : 

• ما هو الإنترنت وما هى الشبكات .
• ما هو الكمبيوتر وما هى آلية عملة .
• ما هو الويب وما هو مسار تطوير الويب .

ما هو مصمم الويب ( web designer)

لو فية شخص معاة قطعة أرض وعايز يبنيها أول حاجة بيفكر فيها أى ؟ ( دة بعد الفلوس طبعاً ), أول حاجة بيروح للمهندس علشان يعملة تخطيط وتصميم لبيتة الأول قبل ما يبدأ فى مرحلة البناء ويورية تصميم البيت على الكمبيوتر الأول وبعدين يبدأ يدى التصميم للمقاول علشان يبدأ يشتغل , مصمم الويب شبة كدة بالضبط يقوم بعمل تخطيط وتصميم أولى للموقع ويقوم بإختيار الألوان المناسبة لة ودة يتوقف على حسة الإبداعى فى التصميم وإختيار الألوان .

ما هو مطور الويب ( web developer)

بعد ما الراجل صاجب البيت خد التصميم هيدية لمين يا ترى ؟ ( للمقاول طبعا ) ودة بدورة هيبدأ فى مرحلة الإنشاء والبناء ودة شبية بدور مطور الويب يقوم بتحويل التصميم إلى أكواد برمجية ليكون الموقع جاهز للرفع على الإنترنت .

هل هناك فرق بين مصمم الويب ومطور الويب 

      طبعأ مش محتاج أقولك الفرق لإنك دلوقت بقيت عارفة لوحدك الفرق من خلال التوضيح اللى وضحناة , إن المصمم بيحط التخطيط والتصميم للموقع ويبدى التصميم للمطور اللى بدورة بيحولو لأكواد ليكون جاهز للرفع على الإنترنت .

ينقسم تطوير الويب إلى قسمين 

 مسار front-end developer .

مسار back-end developer .

ماهو مسارال front-end developer .

يعتمد عمل ال front-end developer على عمل مصمم الويب حيث يقوم المصمم بتسليمة مخطط المشروع ثم يقوم المطور بتحويل المخطط إلى أكواد ليصبح المشروع حاهز , ويعتمد front-end developer فى عملة على مجموعه من اللغات وهى :

•  لغه HTML : وهى تستخدم فى بناء صفحات الموقع ولا يمكنك الإستغناء عنها سواء كنت Designer أو Developer وهى بمثابة العمود الفقرى والبناء الاساسى للموقع والتى بدونها لا يمكنك إنشاء الموقع .

• لغة CSS : وهى اللغة التى تستخدم فى تنسيق صفحات الموقع والتحكم فى الأبعاد والألوان والخطوط أى هى بمثابة اللمسات الأخيرة والشكل الجمالى على البناء الأساسى وهى وضع الألوان والتحكم فى الأبعاد والخطوط والخلفية وتنسيق عناصر الصفحة.

•  لغة javaScript : وهى لغة برمجة من خلالها نقوم بإضافة التأثيرات والأحداث ويمكن أيضاُ عمل ألعاب وأنميشن على الصفحة مثلاً عند الضغط على زر معين يتم خروج قائمة من مكان معين ليكون التصميم متجاوب مع المستخدم .

ما هو ال back-end developer .

تطوير back-end developer أكثر تقدماً لإنها تعتمد على بناء مشاريع متقدمة أكثر ويقوم المطور ببرمجة الموقع وإكتشاف طريقة تشغيلة من الأمثلة على هذة المواقع هى مواقع التجارة الإلكترونية E-commerce وما يتعلق بها من بوابا الدفع والإتصال بقواعد البيانات وأيضاُ يوجد مواقع كثيرة مثل كواقع البنوك ومواقع الجامعات والمواقع الشركات

ويعتمد المطور فى تعلم هذا المجال على بعض اللغات وهى :

•  لغه PHP : وهى من أشهرلغات البرمجة التى يمكن الإعتماد عليها فى ال back-end حيث تستخدم فى بناء الواجهات ومن خلالها يمكنك الإتصال بقاعدة البيانات .

• لغة MYSQL : وهى من أشهر اللغات التى تستخدم فى التعمل مع أنظمة قواعد البيانات , ونظام قاعد البيانات هو النظام المسئول عن التعامل مع البيانات وتنظيمها والتعمل مع طليات الوصول إليها وإرسال وإستقبال البيانات منها وإليها .

الخلاصة ( هات من الأخر ياعم تعبنا معاك ؟ من عنيا يا صديقى) :

مسار تطوير الويب يتلخص فى النقاط الأتية :

بالنسبة لمسار : front-end developer

1. تعلم لغة HTML .
2. تعلم لغة CSS .
3. تعلم لغة javaScript .

بالنسبة لمسار ال back-end developer :

1.  تعلم لغة php .
2.  تعلم لغة mysql .

وبعد كدة ممكن تتعلم JQuery ودى مكتبة من مكتبات ال javaScript هتسهل عليك وقت كبير ومجهود فى الشغل .

وممكن تتعلم أيضاً BootStrap وهو إطار عمل خاص بمصممى الويب يوفر العديد من المهام منها جعل التصميم Responsive أو متجاوب مع جميع الأجهزة مثل ( التليفون - التابليت - الكمبيوتر ) ويمكن للمطور إستخدامة أيضاً فى التعديل على التصميم بدون الرجوع إلى المصمم ويوفر وقت كبير فى كتابة الكود .

 نصائح مهمة

ناس كتير بتسمع الشرح من غير ما تطبق ودة غلط لازم تطبق على كل حاجة علشان المعلومات تكون موجودة فى مخك علطول وحاضرة .
بعد متتعلم html لازم تطبق عليها كويس قبل ما تدخل فى ال css وهكذا فى ال css وبعد متخلص css لازم تطبق على اللغتين مع بعض وتعمل مشاريع كتير بإستخدام اللغتين مع بعض علشان تتقنهم الأول ومتبدأش فى javaScript قبل ما تطبق على html , css كويس جدأ .

ودة كان كل حاجة أتمنى لو المقال أعجبك تدعمنا ب لايك ومتابعة والسلام عليكم .