ما هو الويب وما الفرق بينة وبين الإنترنت

 

webPrey | ما هو الويب وما الفرق بينة وبين الإنترنت

 الحج محمود شخص عادى كان عندة قطعة أرض عايز يبنيها فقرر فى يوم من الأيام يبدأ يبنى فيها فجاب العمال وبدأ الشغل وبدء يعمل القواعد وبعد شوية عمل السملات وبعد شوية العمدان والسطح والفلوس خلصت منة فقرر يوقف الشغل فترة , وبعد حوالى شهر ربنا فرجها علية وطلع الفلوس الى تحت البلاطة وبدأ يكمل الشغل ودخل فى مرحلة التشطيب

( الزيت والسيراميك والشغل دة ) طبعأ اللى معاه قطعة أرض دلوقت وعايز يبنيها لازمة حتة من الأسرة 18 علشان يعرف بشطبها.

هتقولى إى علاقة الموضوع بتاعنا بالمقدمة دى هقولك كمل للأخر وهتفهم كل حاجة.

لمحة تاريخية

عام 1989 وأثناء ما الجو كان حر والشمس عمودية والناس هتموت من الحر واللى كان قاعد تحت المروحة واللى كان قاعد تحت شجرة من الشمس كان فية عالم قام  بإختراع شيء مهم جدأ وهو من أهم الأشياء فى وقتنا الحالى التى غيرت العالم حرفيا  ولا غنا عنها والناس الناس بتقعد قدامها بالساعات دلوقت وهو إختراع ( world wide web  ) وهى شبكة الويب العالمية  قام بإختراعة العالم تيم برنرز لى العالم فى معهد ماساتشوستس للتكنولوجيا وهو عبارة عن نظام للإتصال عبر الإنترنت عن طريق الواجهات الرسومية والروباط التشعبية, وطبعاً فى الوقت دة كان فية ناس تانى مشغلة المروحة وقاعدة فى الطراوة ومش دريانة بحاجة .

ما هو الويب

هو عبارة عن نظام معلوماتى ضخم للإتصال عبر الإنترنت بإستخدام الواجهات الرسومية والروابط التشعبية ويقوم بعرض المعلومات وتصفحها .

ما هو الإنترنت ؟

يوجد أكثر من تعريف للإنترنت منها :

هو عبارة عن نظام للإتصال عبر الإنترنت ببإستخدام الواجهات الرسمية و الروباط التشعبية.

أو هو عبارة عن نظام إتصالات عالمى يربط مجموعه من أجهزة الكمبيوتر ببعضها البعض ويسمح بتبادل البيانات والملفات الصوتية والفيديوهات وغيرها من أنواع  البيانات المختلفة.

ما أصل تسمية الإنترنت بهذا الأسم ؟

كلمة إنترنت ( internet) تتكون من جزئين هما الجزء الأول وهو كلمة  (inter) ومعناها "بين" و الجزء الثانى وهو كلمة (net ) وهى إختصار للشبكة وتعنى مجموعه الأجهزة المرتبطة ببعضها البعض . 

ما افرق بين الويب والإنترنت ؟

سوف نوضح الفرق بينهم فى عدة نقاط أساسية وهى :

التعريف:

الإنترنت ( internet )

 هو عبارة عن مجموعه من شبكات الحاسوب المتصلة مع بعضها البعض حول العالم عن طريق توصيلات لاسلكية و ألياف بصرية وأسلاك نحاسية بهدف تبادل المعلوات بين أجهزة الكمبيوتر المختلفة حول العالم .

أو هو مجموعه من شبكات الحاسوب المرتبطة ببعضها البعض حول العالم , ويعد الإنترنت هو البنية الأساسية للويب بمعنى

فاكر قصة الحج محمود اللى ذكرناها فى المقدمة لما إشتغل فى بيتو وعمل الأساسات للبيت وبعد كدة وقف شغل بعد مخلص فلوس هو كدة بالضبط الانترنت هوة زى أساسات البيت كدة من غير أساس مش هقدر أكمل واشطب البيت واضع الألوان والزيت للبيت .

الويب ( web  )

هو عبارة عن نظام معلوماتى ضخم يقوم بعرض المعلومات وتصفحها على الإنترنت ويحتوى على مجموعه من البرمجيات والخدمات التى يقدمها للمتصفح , أى أنها تعتبر التطبيقات التى يتم إستخدامها للوصول إلى المعلومات على الإنترنت , وفاكر نفس قصة الراجل الطيب اللى إسمة محمود بعد مربنا كرمة إى اللى حصل مش طلع الفلوس اللى تحت البلاطة وكمل شغل وشطب البيت , هوة كدة بالضبط الويب زى التشطيب والألوان واللامسات الجمالية الأخيرة اللى بتضاف فى التشطيب .

مثال أخر للتوضيح

الإنسان بيتكون من العظام  ثم اللحم , والعظام هنا تمثل الإنترنت لإنها الأساس طب واللحم يمثل الويب لإنة يعتبر اللمسة الجمالية الأخيرة ( التشطيب) والشكل الأخير .

أمثلة وخدمات

أمثلة على الويب

1 - برامج البريد الإلكترونى .

2 - متصفحات الويب .

3 -  مواقع الويب .

4 - صفحات الويب .

أمثلة على الإنترنت

1 - بروتوكولات نقل الملفات FTP .

2 - البريد الإلكترونى .

3 - الشبكة العنكبوتية العالمية .